Barack Obama, edhe pse është jashtë Shtëpisë së Bardhë për më pak se një vit, ai ende është “komandanti” i Twitterit, me postimin më të pëlqyer gjatë vitit 2017.
Sipas një liste të zbuluar nga Twitter, presidenti i 44 i Shteteve të Bashkuara të Amerikës ka postimin më të pëlqyer gjatë 2017-ës.
Postimi i tij më i pëlqyer ishte si përgjigjja e tij kundër marshit supermacist të bardhë gjatë kësaj vere, ku përfshihej edhe një foto e tij me një grup të fëmijëve të racave të ndryshme.
Në atë postim përfshihej edhe thënia e Nelson Mandelas, i cili kishte thënë: “Askush nuk lind duke urryer ndonjë person tjetër për shkak të ngjyrës së lëkurës së tij apo të kaluarës së tij apo religjionit”.
Postimi më i pëlqyer i Obamas kishte mbi 4 milionë like.