Zjarrfikësit e qytetit amerikan të Minneapolis, kanë njoftuar se dy persona konsiderohen të zhdukur pas një shpërthimi që ka ndodhur në shkollën fillore "Minehaha Akademia" në qytet, ku u shemb një pjesë e ndërtesës.
Ekipet e shpëtimit nuk kanë bërë të ditur, nëse dy personat që konsiderohen të zhdukur janë fëmijë, apo të rritur, raporton AP.
Mediat lokale raportojnë se zjarrfikësit fillimisht kanë deklaruar se një person ka vdekur pas shpërthimit, por zyrtarisht nuk ka qenë e mundur që të konfirmohet ky pohim.
