Kandidati republikan për president të Shteteve të Bashkuara, Donald Trump, u ka bërë një apel të drejtpërdrejtë votuesve afrikano-amerikanë, duke u thënë: “Çfarë keni për të humbur?”
Trump i tha një audience gati tërësisht të bardhë në Miçigen se votuesit afrikano-amerikanë “jetojnë në varfëri” dhe se “shkollat e tyre nuk janë të mira”.
“Nëse votoni për njerëzit e njëjtë, do të mbeteni me të njëjtin rezultat”, tha Trump.
Ai tha se kundërshtarja e tij, demokratja Hillary Clinton, më parë do t’i ofronte punë një refugjati sesa të rinjve afrikano-amerikanë, të cilët “janë bërë refugjatë në vendin e tyre”.
Clinton tha se deklaratat e Trumpit janë aq “injorante dhe të shkallëzuara”.