Vuçiq: Jam i shqetësuar për veprimet e “çmendura” të Kosovës që askush nuk po i ndalon

Aktuale

Vuçiq: Jam i shqetësuar për veprimet e “çmendura” të Kosovës që askush nuk po i ndalon

Më: 9 dhjetor 2018 Në ora: 22:20
Aleksandar Vuçiq

Presidenti serb, Aleksandar Vuçiq, ka deklaruar sot se autoritetet kosovare janë të gatshme të aplikojnë masa të reja ndaj Serbisë. Ai theksoi se bëhet fjalë për tri masa të vështira që mund të ndërmerren, por pa treguar se cilat mund të jenë ato.

Sipas tij, bëhet fjalë për tri veprime të cilat do të mund të përpiqen t’i ndërmarrin dhe nuk  dihet se cila është më e keqe se tjetra për Serbinë.

Siç raporton media serbe, Vuçiq deklaroi se shteti do të marrë vendime lidhur me masat e reja të Kosovës vetëm kur të ndërmerren nga pala kosovare.

Gjatë kësaj jave kryeminsitri Ramush Haradinaj ka thënë se nëse Serbia vazhdon të sillet me agresivitet ndaj Kosovës do të aplikojë massa reciprociteti.

Duke lënë të kuptohet që aty hyjnë njohja e targave, ndalimi i mallrave të kompanive të huaja që furnizojnë Kosovën.

Serbisë nuk do t’i njihen dokumentet të cilat nuk ia njeh Kosovës përfshirë certifikata të ndryshme.

commentFirst article
Sot mund të lexoni Shfletoni kopertinat