Shefi i Agjencisë Kosovare të Inteligjencës, Shpend Maxhuni pritet që sot të raportojë para Komisionit që mbikëqyr punën e institucionit që e udhëheq ai.
Kryetarja e këtij Komisioni, Ganimete Musliu ka treguar se mbledhja e sotme nuk lidhet ekskluzivisht me çështjen e djalit të numrit një të AKI-së, për të cilën u raportua në media.
“Është mbledhje e rregullt e caktuar të premten për çështje të ndryshme. Por, do të flasim edhe për rastin e djalit të Maxhunit”, ka thënë ajo
Ndryshe, mbledhja e Komisionit për Mbikëqyrjen e Agjencisë së Kosovës për Inteligjencë mbahet në ora 10:00.