Ministri i Arsimit, Shkencës dhe Teknologjisë, Shyqiri Bytyqi, në kuadër të forumit të Shkencës dhe Teknologjisë në Shoqëri (STS), të mbajtur në Kijoto të Japonisë, ka zhvilluar disa takime me ministra e zëvendësministra të shteteve pjesëmarrëse në këtë forum.
Postimi i Bytyqit në Facebook:
Në kuadër të forumit të Shkencës dhe Teknologjisë në Shoqëri (STS), të mbajtur në Kijoto të Japonisë, kam zhvilluar disa takime me ministra e zëvendësministra të shteteve pjesëmarrëse në këtë Forum.
Konkretisht, kam takuar Ministrin e Japonisë për Shkencë dhe Teknologji, z. Takuya Hirai, Ministren e Arsimit dhe Shkencës së Ukrainës, znj. Lilia Hrynevych, Ministren e Arsimit, Kulturës dhe Kërkimeve të Moldavisë, znj. Monika Babuc, Ministrin e Shkencave të Iranit, z. Mansour Gholami dhe Zëvendësministrin e Arsimit dhe Shkencës së Bullgarisë, z. Ivan Dimov.
Gjatë këtyre takimeve individuale me ministra dhe zëvendësministra pjesëmarrës në forum, kemi shkëmbyer përvojat e shteteve përkatëse në fushën e arsimit, shkencës dhe teknologjisë dhe njëkohësisht kemi diskutuar edhe për mundësitë e gjetjes së formave të bashkëpunimit.