Thaçi nga New York, thotë se ka finalizuar agjendën e tij për shumë takime

Aktuale

Thaçi nga New York, thotë se ka finalizuar agjendën e tij për shumë takime

Më: 23 shtator 2018 Në ora: 20:18
Pacolli dhe Thaçi

Presidenti i vendit, Hashim Thaçi ka postuar një foto nga New Yorku së bashku me zëvendëskryeministrin, Behgjet Pacolli që njëherit është edhe ministër i Punëve të Jashtme ku thotë se janë duke punuar për sesionin vjetor të Asamblesë së Përgjithshme të Kombeve të Bashkuara.

Në profilin e tij në Facebook, Thaçi ka shkruar se në ditët në vijim do të ketë shumë takime me përfaqësues botërorë.

“Bashkë me Zëvendëskryeministrin e Parë, Behgjet Pacollin, duke punuar në finalizimin e agjendës sonë për sesionin vjetor të Asamblesë së Përgjithshme të Kombeve të Bashkuara në New York. Në ditët në vijim do të zhvillojmë shumë takime me përfaqësues botërorë për të shtyrë përpara agjendën euroatlantike të Republikës së Kosovës, bashkëpunimin bilateral, njohjet dhe anëtarësimin në organizata ndërkombëtare”, ka shkruar Thaçi.

Pjesë e kësaj vizite është edhe Zonja e Parë, Lumnije Thaçi e cila pritet të takohet me Melania Trump, Zonja e Parë e ShBA-së.

commentFirst article
Sot mund të lexoni Shfletoni kopertinat