Hoti: Opozita e ndali takimin Thaçi – Vuçiq, po e pergatisim edhe mocionin për rrëzimin e qeverisë

Aktuale

Hoti: Opozita e ndali takimin Thaçi – Vuçiq, po e pergatisim edhe mocionin për rrëzimin e qeverisë

Më: 19 shtator 2018 Në ora: 13:13
Shefi i Grupit parlamentar të LDK-së, Avdullah Hoti

Shefi i Grupit parlamentar të LDK-së, Avdullah Hoti, përmes një konferencë për mediatha se opozita është duke e bërë gati mocionin për rrëzimin e Qeverisë. Ai ka theksuar se keqqeverisjes dhe arrogancës po u vjen fundi.

“Me kërkesë të partive opozitare do të mbahet seanca e jashtëzakonshme për ratifikimin e tri marrëveshjeve ndërkombëtare që janë të rëndësishme për qytetarët. Për këtë seancë i kemi mbledhur 53 nënshkrime. E kemi ftuar për shkak se Kuvendi pothuajse është paralizuar”, është shprehur Hoti.

Ai ka thënë se për të dalë nga gjendja e tanishme duhet të bëhen zgjedhje të reja parlamentare, pasi sipas Hotit ka kaluar koha e arrogancës ku koalicioni PAN mund të bëjë ndryshim në vend.

“Nuk ka mbetur rrugë tjetër përveç zgjedhjeve të reja. Ka kaluar koha kur arroganca e koalicionit PAN mund të prodhojë ndonjë ndryshim në këtë vend, ndryshimin e bëjnë qytetarët dhe deputetët e opozitës përfaqësojnë mbi 60 për qind të qytetarëve”, ka theksuar Hoti.

Hoti, po ashtu, ka thënë se takimin e Presidentit Thaçi me homologun e tij serb e kanë ndalur opozita, e cila bashkë me qytetarët e ka pamundësuar këtë takim, e duke iu referuar kësaj, Hoti thotë se opozita ka fuqi ta rrëzojë edhe Qeverinë.

“Ne jemi partia më e madhe në vend, dhe si e tillë bashkë me opozitën dhe mbështetjen e qytetarëve e kemi stopuar takimin e datës 7 shtator, besojmë që kemi fuqi të bëjmë që institucionet t’i ndalojnë këto vepra. Këtij lloji të qeverisjes është duke i ardhur fundi. Jemi duke punuar në mocionin për qeverinë dhe seancat e ardhshme besoj që do të jenë për rrëzimin e qeverisë”, është shprehur Hoti.

Ai, po ashtu, ka thënë se nëse është nevoja për protestë, LDK-ja është e gatshme ta organizojë një të tillë dhe të ftojë të gjithë qytetarët për pjesëmarrje.

commentFirst article
Sot mund të lexoni Shfletoni kopertinat