Ish mjeku i Ushtrisë Çlirimtare të Kosovës, Liri Loshi thotë se skenari i presidentit të Kosovës, Hashim Thaçi, që përmes referendumit të bashkangjitet Presheva, Medvegja dhe Bujanoci i hap rrugë ndarjes së Kosovës.
Ai thotë se si kompromis për këtë serbët do të fitojnë Asociacionin e Komunave me shumicë serbe me kompetenca ekzekutive dhe të drejtën e ekuivalente të referendumit për të iu bashkuar Serbisë.
“Si ju duket ky skenar? Referendum që Kosovës t’i bashkangjitet Presheva, Medvegja dhe Bujanovci. Si kompromis serbët ta fitojnë Asociacionin e Komunave serbe me kompetenca ekzekutive (Republikën Serbe) dhe të drejtën ekuivalente te referendumit për t’iu bashkangjitur Serbisë.
A nuk i bie që me referendumin tonë t’i hapim udhë ndarjes së Kosovës? Unë kështu po e (keq)kuptoj “idenë” e Hashim Thaçit për referendum. Unë jam kundër referendumit dhe çdo gjeje që nuk sanksionon Kushtetuta e Kosovës”, shkruan Loshi në Facebook, transmeton gazeta “Bota sot”.
