Djali i vëllaut të Shaip Mujës, dyshohet se plagosi familjarin e Behgjet Pacollit

Aktuale

Djali i vëllaut të Shaip Mujës, dyshohet se plagosi familjarin e Behgjet Pacollit

Më: 17 shtator 2018 Në ora: 13:50
Djali i vëllaut të Shaip Mujës

Osman Pacolli është plagosur mbrëmë me tre plumba në Prishtinë.

Pacolli është vëllau i deputetit të AKR-së, Rrahim Pacolli dhe familjar i zv/kryeministrit, Behgjet Pacolli.

 Insajderi ka mësuar se i dyshuar për plagosjen e tij është djali i vëllaut të Shaip Mujës, Ardian Muja.

Kjo është konfirmuar edhe nga Policia e Kosovës, me një njoftim për media.

“O. P, mashkull, 33 vjeç, shtetas i Republikës së Kosovës, i cili menjëherë është dërguar për trajtim mjekësor. Lidhur me rastin në fjalë policia ka identifikuar personin e dyshuar: A. M, mashkull, shtetas i Republikës së Kosovës i cili aktualisht ndodhet në arrati”, thuhet në njoftimin e Policisë.

Muja edhe në rrjetin social facebook ka fotografi me agjën e tij, Shaip Mujën ish-deputet i PDK-së, dhe zyrtarë tjerë të PDK-së si Xhavit Haliti. 

Image
commentFirst article
Sot mund të lexoni Shfletoni kopertinat