Zv/ministri i FSK-së thotë se rajoni do të përfitojë nga shndërrimi i FSK-së në Ushtri të Kosovës - Bota Sot
Zv/ministri i FSK-së thotë se rajoni do të përfitojë nga shndërrimi i FSK-së në Ushtri të Kosovës

Aktuale

E premte, 21 shtator 2018

Zv/ministri i FSK-së thotë se rajoni do të përfitojë nga shndërrimi i FSK-së në Ushtri të Kosovës

Më: 16 shtator 2018 Në ora: 17:31
FSK

Të enjten e kaluar Qeveria e Kosovës miratoi vendimin për transformimin e FSK-së në Forca të Armatosura të Kosovës.

Pa paralajmëruar fare, Qeveria në mënyrë unanime miratoi vendimin në fjalë përderisa paralajmërimi për transformimin e FSK-së është bërë prej shumë kohësh.

Ndërsa është zv/ministri i Ministrisë së FSK-së, Burim Ramadani i cili ka thënë sot se nuk ka vend për skepticizëm dhe se transicioni i FSK-së është i sigurt dhe i pakthyeshëm.

Sipas Ramadanit vendimi për procedim të Projektligjeve nga Qeveria për në Kuvendin e Kosovës nuk është as i ngutshëm dhe as i papërkrahje.

“E tëra bazohet në një punë jashtëzakonisht të detajshme, përpjekjeve të gjata, punë të përbashkët me partnerët strategjikë dhe planit të qartë 10 vjeçar.Prandaj, jemi në rrugë të sigurt. Pa asnjë dilemë” , ka thënë Ramadani përmes një statusi në Facebook.

Sipas tij Kosova po kthehet gradualisht në kontribuues për sigurinë rajonale dhe globale.

“Djemtë e vajzat e Kosovës do të jenë krah-për-krah me botën demokratike për të siguruar paqen kudo nëpër botë.

Rajoni ynë do të përfitojë nga transicioni i FSK-së. Qytetarët dhe komunitetet në Kosovë do të vazhdojnë të kenë mbështetjen e FSK-së”, ka përfunduar Ramadani.

Komentet
comments powered by Disqus
Sot mund të lexoni Shfletoni kopertinat
Sondazh
test