Presidenti i Kosovës, Hashim Thaçi ka kujtuar nënën Azë siç e e quan ai në një vjetorin e vdekjes së saj, duke shkruar se ajo ishte një nënë e madhe për shumë luftëtarë të lirisë.
Thaçi thotë se në vitet e hershme të veprimit ilegal të Ushtrisë Çlirimtare të Kosovës, shtëpia e nënës Azë në Plluzhinë, ishte strehë ku ata gjetën përkujdesje dhe besnikëri, përcjell “Bota sot”.
Ky është postimi i plotë:
U bënë një vjet pa nënën Azë, e cila ishte një nënë e madhe për shumë luftëtarë të lirisë. Në vitet e hershme të veprimit ilegal të Ushtrisë Çlirimtare të Kosovës, në ditët tona më të vështira, shtëpia e nënës Azë në Plluzhinë, ishte strehë ku ne gjetëm përkujdesje dhe besnikëri. Me guximin e një heroine dhe me kujdesin e një nëne, Aza Thaçi-Ferizi na qëndroi përherë pranë, duke na dhënë bukë, larë rroba dhe pastruar plagë. Gjithmonë do ta mbajmë të gjallë kujtimin për të. HTH
