Ish-pjesëtari i SHIK-ut dhe ish-eprori i lartë i UÇK-së, Naim Miftari, ka treguar për keqmenaxhimin, apo gjendjen kaotike brenda AKI-së.
Ai pas vrasjes së fundit që ndodhi brenda AKI-së, thotë se, nuk është ashtu siç kemi dëgjuar, pasi ka të bëjë pikërisht me punën në AKI, që sipas tij, ky institucion është i mbushur me agjentë partiak, familjarë si dhe dashnore të “bosëve të PDK-së”, por edhe me familjar të UDB-së, shkruan gazeta “Bota sot”.
Miftari tutje pohon se, kjo Agjenci e ka mbajtur fshehtas edhe informacionin e fillimit të ndarjes apo “betonisjës” së urës Ibër në Mitrovicë.
“Agjenci e cila po mundohet të mbijetoj nga dështimet e një pasnjëshme agjenci ma shumë private sesa agjenci inteligjente zyrtare shtetërore, që nën sop nuk e tregon të vërtetën dhe mbulimi i të vërtetës bahet me improvizime sikurse punojnë bosët e tyre THAQI –VESELI”, shkruan Miftari.
Lexojeni të plotë shkrimin e tij:
AKI-ja e ish kolegut tim nga policia dikur Shpend Maxhunit sa ishim në policinë e Kosovës stacioni 4 nr. 0745, deklaratat nën stop që vijnë nga AKI të cilët kanë deklaruar se rasti i Valon Ibërdemajt, për vrasjen e kolegut të tij nga AKI, Isa Sejdiut nuk ka të bëjë me çështje që ndërlidhen me veprimtarinë e saj AKI.
Unë po ju tregoj se kjo nuk është e vërtet dhe ka të bëj pikërisht me punën e gjendjen kaotike në AKI inatet, luftërat klanore, luftërat politike të brendshme Agjenci e mbushur me agjentë partiak, servila e politik, daj, teze, nipa dhe dashnore të bosëve të PDK, dhe e mbushur tej mase me familjar të ish UDB-ashve pro-serb.
Agjenci që do duhej shkundur nga themeli nga koha kur e kanë mbajtur fshehtas (agjenti me mbiemrin Loshi) qëllimisht informacionin e fillimit të betonisjes së urës mbi Ibër në Mitrovicë nga ana e kriminelëve serb.
Agjenci e cila do duhej ti vuhet dryni nga rasti kur pa vendim gjyqit kidnapoj 5-6 profesor Turq me urdhër të Thaçit dhe dijen e Behgjet Pacollit dhe i dorëzoj presidentit Turk Erdogan.
Agjenci e cila po mundohet të mbijetoj nga dështimet e një pasnjëshme agjenci ma shumë private sesa agjenci inteligjente zyrtare shtetrore, që nën sop nuk e tregon të vërtetën dhe mbulimi i të vërtetës bahet me improvizime sikurse punojnë bosët e tyre THAQI -VESELI.
Improvizime ku ka viktima, burgosje, ka etiketime keqpërdorime zyrtare sidomos në përgjimet telefonike dhe kibernetike dhe lojna të ndryshme private politike dhe klanore.