Deputeti i Lidhjes Demokratike të Kosovës, Haxhi Avdyli, ka reaguar përmes një postimi në llogarinë e tij në Facebook, pas deklarimit publik të prokurorit të dorëhequr Elez Blakaj.
Avdyli thotë se Aleksandër Lumezi, i ardhur në vend të Kryeprokurorit me diplomë false, përmes telefonatave “Pronto”, s’ka se si të hetojë vetveten dhe shefat e tij.
Me tej, ai thotë se ç’kapja e drejtësisë fillon me dorëheqjen e tij.
“Aleksandër Lumezi, i ardhur në vend të Kryeprokurorit me diplomë false, përmes telefonatave Pronto, s’ka se si të hetojë vetveten, dhe shefat e tij. Ç’kapja e drejtësisë fillon me dorëheqjen e tij. Çdo gjë tjetër është vrasje e drejtësisë në këtë vend dhe rrezikim i çdo qytetari nga drejtësia selektive e Pronto- prokurorisë”, thotë deputeti i LDK-së.