Kryetari i Nismës Socialdemokrate dhe zëvendëskryeministri i Kosovës, Fatmir Limaj ka marrë pjesë në mbledhjen përkujtimore për nder të jetës dhe veprës së profesorit Mujë Shala.
Limaj në llogarinë e tij në ‘Facebook’, ka shkruar se vdekja e Shalës është humbje e madhe jo vetëm për familjen e tij, por edhe për UP-në dhe shtetin e Kosovës.
“Familja Shala humbi një familjar të tyre, ndërsa Kosova humbi një mjek e profesor të madh”, ka shkruar ndër të tjera Limaj në llogarinë e tij në ‘Facebook’.
Postimi i plotë i Limajt:
Për nder të jetës dhe veprës së Prof. Dr. Mujë Shalës u mbajt mbledhje përkujtimore në Fakultetin e Mjekësisë.
Vdekja e Prof. Mujë Shalës është humbje e madhe jo vetëm për familjen e tij, por edhe për Universitetin e Prishtinës dhe shtetin e Kosovës.
Familja Shala humbi një familjar të tyre, ndërsa Kosova humbi një mjek e profesor të madh.
Profë do të na mungojnë shumë urtësia, zemërgjerësia dhe këshillat tua.
I lehtë të qoftë dheu i Kosovës për të cilën kontribuove aq shumë! Prehu në paqe miku im. /KosovaPress/
