Vazhdon mbledhja e dëshmive, Selmanaj: Në dhjetor dalim me konkluzione për turqit e dëbuar

Aktuale

Vazhdon mbledhja e dëshmive, Selmanaj: Në dhjetor dalim me konkluzione për turqit e dëbuar

Më: 8 gusht 2018 Në ora: 21:57
Driton Selmanaj

Komisioni hetimor parlamentar për dëbimin e gjashtë shtetasve turq nga Kosova për në Turqi, nuk do të dalë me konkluzione deri në muajin dhjetor.

Deputeti LDK-së, Driton Selmanaj, njëherit anëtar i komisionit hetimor parlamentar për rastin e dëbimit të 6 shtetasve turq nga Kosova në Turqi, thotë se në dhjetor do të dalin me konkluzione.

“Funksioni jonë do të jetë që gjatë muajit shtator, tetor, nëntor, deri në fillim të dhjetorit ta kemi edhe raportin përfundimtar, që ta kuptoj populli se çka ka ndodhur. Ta kuptojnë në radhë të parë edhe familjarët e tyre”, ka thënë Driton Selmanaj, anëtar i komisionit hetimor për dëbimin e shtetasve turq.

Sipas tij, deri më tani kanë mbajtur tre takime dhe se janë në fazën e mbledhjes së dokumentacioneve dhe dëshmive.

“Në shtator e kemi mendu që ta kemi një muaj të intervistimit të dëshmitarëve, që janë mbi 20 persona. Ata kanë funksione të ndryshme publike, përfshirë këtu nga Presidenti e poshtë, dhe më pas do të vazhdojmë në shqyrtimin e dokumenteve që na ofrohen, dhe në fund do ta përgatisim raportin”, tha deputeti i LDK-së.

Ndërsa i pyetur se përse opinioni është i njoftuar vetëm rreth takimit të parë, ai arsyetoi duke thënë se ky është vendim administrativ, e jo i anëtarëve të komisionit.

“Më tepër si rezultat i neglizhencës së administratës së Kuvendit. Kemi folur me administratën dhe ata kanë thënë se është një gabim teknik. Unë kam kërkuar që çdo mbledhje të jetë e postuar në ueb faqen e Kuvendit”, përfundoi Selmanaj.

Më 29 mars të këtij viti, me kërkesë të autoriteteve turke, Policia e Kosovës ka arrestuar dhe dëbuar për në Turqi gjashtë qytetarë turq, pesë prej tyre punonjës në shkollën “Mehmet Akif”

commentFirst article
Sot mund të lexoni Shfletoni kopertinat