Deri në 7 orë po presin mërgimtarët në territorin e Serbisë për të hyrë në Kosovë.
Në një video të publikuar në rrjetet sociale, mërgimtarët po presin në territorin e Serbisë në kufirin me Kosovën, konkretisht në Merdare deri në 7 orë, pasi kolonat e gjata të krijuara nga organet e Serbisë po vazhdojnë të rritën.
Kolonat gjatë ditës së sotme ishin deri në 6 kilometra.
Ata për gazetën “Bota sot”, kanë treguar se, kolonat po krijohen nga mos puna e organeve serbe, të cilët me qëllim po vonohen në procesin e tyre për t’i vanuar qytetarët që të futen në territorin e Kosovës.
Kolonat e gjata në kufirin në Merdare bëhen po thuasje secilën sezonë kur mërgimtarët marrin rrugën për Kosovë.
Edhe pse institucionet e Kosovës, kanë mbajtur që disa vite takimet me krerët e shtetit të Serbisë edhe në Bruksel, nga ana e shtetit serb nuk duket se ka reflektime, kur vjen në pyetje lëvizja e lirë e qytetarëve të Kosovës.
Kjo është një dëshmi, se pala serbe asnjëherë nuk i merr parasysh kërkesat e shtetit të Kosovës, ndërsa shteti ynë me apo pa dashje po kontribuon në këto kolona, duke mos u interesuar edhe aq shumë për mërgimtarët tanë.
