Haradinaj mohon t’i ketë kërkuar falje Bërnabiqit për arrestimin e serbëve

Aktuale

Haradinaj mohon t’i ketë kërkuar falje Bërnabiqit për arrestimin e serbëve

Më: 19 korrik 2018 Në ora: 21:38
Ramush Haradinaj dhe Ana Bërnabiq

Kryeministri i Kosovës, Ramush Haradinaj, ka përgënjeshtruar mediat beogradase, të cilat raportuan se ai i kishte kërkuar falje kryeministres së Serbisë, Ana Bërnabiq, rreth arrestimit të disa serbëve nga Njësia Speciale e Policisë së Kosovës.

“Unë kam pasur bisedë, pas ndërhyrjes së saj në tryezë. Unë ia ktheva. Erdh deri te një ballafaqim”, ka treguar Haradinaj.

Shefi i ekzekutivit kosovar ka bërë të ditur se i ka thënë homologes “që organet e rendit i kanë kryer punët e veta”.

“S’ka qenë kërkim falje, bisedë për temën”, ka thënë Haradinaj në RTV Dukagjini.

Mediat serbe kishin raportuar se Haradinaj i ka kërkuar dy herë falje Bërnabiqit, për shkak të arrestimit të pesë serbëve në rajonin e Gjilanit.

commentFirst article
Sot mund të lexoni Shfletoni kopertinat