Presidenti i vendit, Hashim Thaçi, ka dhënë një koment në llogarinë e tij në Facebook, pas rekomandimit pozitiv të Unionit Evropian për vizat.
Ai thotë se Liberalizimi i vizave është momenti më domethënës në rrugën evropiane të Kosovës deri në anëtarësimin e saj në BE dhe se ka filluar shembja e murit të fundit të izolimit të një shoqërie të tërë evropiane, transmeton "Bota sot".
Postimi i plotë:
Vendimi i sotëm i Komisionit Evropian për liberalizimin e vizave përbën një moment historik dhe një njohje të përpjekjeve tona shumëvjeçare për ta çuar Kosovën në zemrën e Evropës. Liberalizimi i vizave është momenti më domethënës në rrugën evropiane të Kosovës deri në anëtarësimin e saj në BE. Sot ka filluar shembja e murit të fundit të izolimit të një shoqërie të tërë evropiane. Kjo nuk është një dhuratë, por një mirënjohje e punës së vështirë që e kemi bërë së bashku të gjitha institucionet tona, i gjithë spektri politik, opozita, qeveritë e kaluara, shoqëria civile, mediat, si dhe përgjegjësit e rendit e të ligjit. Është meritë e qytetarëve të Kosovës. Urime! HTH
