Bajram Berishës do i ndahet titulli “Ambasador i TUM”.
Këtë çmim e ndan Presidenti i Universitetit Teknik të Munihut (TUM), në vigjilje të 150 vjetorit të themelimit të Universitetit.
Me këtë titull nderohen shkencëtarët me kontribut të veçantë në ngritjen e reputacionit të TUM!
Ceremonia e ndarjes se titullit "Ambasador i TUM" do të organizohet gjatë koncertit festiv në Sallën Filarmonike të Munihut, në të dielën e parë të Adventit (30 nëntor deri 3 dhjetor).
Bajram Berisha është Profesor i rregullt në Universitetin e Prishtinës.
Ai është doktoruar dhe habilituar në Universitetin Teknik të Munihut në Gjermani, ku ka punuar për më tepër se 10 vjet (1996-2008).
Pas kthimit në Kosovë mes tjerash ka shërbyer si kryetar themelues i Këshillit Shkencor të MASHT, Prorektor për mësimdhënie dhe kërkime shkencore në Universitetin e Prishtinës (2009-2012) etj.
Është “Profesor vizitor” në TUM.