Zëvendësministri i Punëve të Jashtme të Kosovës, Gjergj Dedaj, në faqen e tij në facebook, ka shkruar se Rusia, Serbia dhe Turqia, trekëndëshi vdekjeprurës i popullit shqiptar.
“"Rusia, Serbia dhe Turqia, trekëndëshi vdekjeprurës i popullit shqiptare. Ky trinom, duhet te shporret ne partneritet me SHBA dhe vendet aleate te Europes dhe botes perendimore!", ka shkruar Dedaj, përcjellë “Bota sot”.
E ndaj këtij shkrimi ka replikuar analisti dhe njohësi i zhvillimeve politike nga Maqedonia, Sulejman Mehazi.
Sipas tij, trekëndëshi vdekjeprurës i shqiptarëve janë vet politikanët shqiptarë.
“I nderuar Z. Ministër Gjergj Dedaj, trekendeshi vdekjeprurës i shqiptarêve janë vet politikanët shqiptare:-Në Kosovë trinomi: Thaçi, Haradinaj dhe Veseli; Në Shqipëri trinomi: Rama, Meta, Basha; Në Maqedoni trinomi; Ali Ahmeti, Xhaferi dhe Thaçi. Elita politike shqiptare mendjen e kanë kah SHBA-ja e BE-ja, ama veprimet politike kah Rusia e Serbia. Argumentet janë të shumta, po vetëm njërën ua tregojmë; Europa s'do udhëheqës të korruptuar e të kriminalizuar sikurse trinomet politike shqiptare të përmendur më lartë”, ka shkruar Mehazi.