Komisioni Evropian sot pritet ta publikojë raportin për liberalizimin e vizave me Kosovën.
Ky raport pritet të dëshmojë nëse vendi e ka plotësuar kriterin e fundit për vizat, përkatësisht luftimin e krimit të organizuar dhe të korrupsionit.
Sipas mediave vendore, burime të afërta me ministrinë e Punëve të Jashtme bëjnë të ditur se raporti për Kosovën do të jetë pozitiv.
Burimet mësojnë se Komisioni Evropian do t’i hapë rrugën Kosovës për liberalizimin e vizave duke e futur vendin tonë në fazën përfundimtare drejt liberalizimit.
Fundi i këtij viti pritet të jetë koha kur kosovarët do të lëvizin pa viza në shtetet e zonës së Shëngenit.
