Nisma Socialdemokrate sot ka mbajtur Kuvendin e Punës në Klinë.
Kreu i kësaj Nisme, Fatmir Limaj përmes njëpostimi në facebook, ka thënë se Nisma po fuqizohet edhe më shumë.
“Nisma Socialdemokrate nuk e do votën e përçarjes e të mashtrimit. Ne e duam votën e besimit. Ne nuk i shkojmë prapa dikujt që nuk i besojmë. Sikundër që nuk e duam votën e atyre që nuk na besojnë. Aty ku ka besim - ka bereqet. Ne nuk premtojmë por zotohemi. Politika ka kuptim kur i shërben vendit”, shkruan Limaj transmeton gazeta “Bota sot”.
Postimi i plotë i Fatmir Limajt:
Vazhduam edhe sot me mbajtjen e Kuvendeve të Punës nëpër degët tona anekënd vendit.
Sonte në prani të rreth 100 delegatëve, dega e Nismës Socialdemokrate në Klinë mbajti Kuvendin e Punës.
Pritjet tona janë që nga ky Kuvend pune, Nisma në Klinë të fuqizohet edhe më shumë.
U shpreha mirënjohje dhe falënderim të gjithë aktivistëve tanë në Klinë, të cilët ditë e natë nuk ndalen së punuari për ta zgjeruar frymën e Nismës Socialdemokrate në çdo cep të kësaj komune.
Mirëseardhje u shpreh të gjithë anëtarëve të rinj të cilët në muajt e fundit i janë bashkuar degës sonë në Klinë.
Nisma Socialdemokrate nuk e do votën e përçarjes e të mashtrimit. Ne e duam votën e besimit. Ne nuk i shkojmë prapa dikujt që nuk i besojmë. Sikundër që nuk e duam votën e atyre që nuk na besojnë. Aty ku ka besim - ka bereqet. Ne nuk premtojmë por zotohemi. Politika ka kuptim kur i shërben vendit.
Urime strukturave të reja të dala nga ky Kuvend i Punës! Na priftë e mbara!
FL