Deputeti i LDK’së, Driton Selmanaj i ftuar në emisionin Frontal, ka thënë Kosova e ka vendin e parë në rajon për pagën më të lartë të Kryeministrit dhe ministrave dhe se Qeveria mendon vetëm për vete, duke i rritur pagat dhe duke i detyruar qytetarët të largohen nga vendi.
“Qeveria jonë mendon vetëm për vete, i detyron qytetarët të largohen, sepse këtu është vend i burokratëve”, ka thënë Selmanaj.
Ai e ka fajësuar Kryeministrin Ramush Haradinaj, që nuk është konsultuar me askënd për këto ngritje të pagave, sipas tij.
“Faji është te Kryeministri, sepse ai nuk e ka konsultu dikë, kam përshtypjen se s’po e dëgjon askënd por po vepron vetë, sepse po ta dëgjonte dikë nuk do të merrte vendime të tilla.
Selmanaj gjithashtu ka folur për ngritjen e pagave të gjyqtarëve.
“U keni rritë pagat 700 personave të gjyqësisë, ndonëse ata nuk kanë kërkuar rritje pagash. Ata kanë kërkuar kushte më të mira të punës, sepse pagat e tyre kanë qenë të dinjitetshme”, ka thënë Selmanaj.