Këshilltari i kryeministrit Ramush Haradinaj, Avni Arifi thotë se vendimi për rritjen e pagave është legal legjitim dhe kushtetues.
Arifi, del edhe kundër BE-së, që sipas tij, në vend të sfidimit të vendimeve të tilla, të sigurojnë implementimin e marrëveshjeve të garantuara në Bruksel, transmeton gazeta "Bota sot".
Ai përmes një postim në facebook, thotë se, Kosova i humbë 25 milionë euro në vit si pasoj e moszbatimit të marrëveshjës për energjinë.
“Vendimi i Qeverisë së Kosoves për ngritjen e pagave është vendim legal dhe legjitim. Dhe gjithsesi kushtetues. BE do të ishte mirë që në vend të sfidimit të vendimeve të tilla nga fusha e përgjegjësive qeverisëse, të sigurojë implementimin e marrëveshjeve që vet i ka garantiar, siç është marrëveshja për energjinë. Nëse sipas ekspertëve, Kosova në vit i humbë 25 milionë euro si pasojë e moszbatimit të marrëveshjës për energjinë, atëherë që nga viti 2013 Kosova i ka humbë 150 milionë euro. Zyra e BE- së në Kosovë, sot, duke komentuar pagat e zyrtarëve qeveritarë, e pati gabim. Kosova ndihmohet duke implementuar marrëveshjën e garantuar për energjinë dhe jo duke dhënë vlersime për vendime legjitime politike gati si parti politike qe synon sukses elektoral zgjedhor”, shkruan Avni Arifi.