Sot, struktura e LDK-së në Deçan, ka bërë homazhe për heronjtë Rexhë Osaj, Bashkim Balaj, Sinan Musaj dhe Ramë Idrizi.
Deputeti i LDK-së, Armend Zemaj, ishte atje në homazhe, e në Facebook ka shkruar “në përvjetorin e 19-të të vrasjes makabre nga dora tradhtare e shqipfolësve”.
“Sot së bashku me bashkëluftëtarë dhe struktura të LDK-së në Deçan, në përvjetorin e 19-të të vrasjes makabre nga dora tradhtare e shqipfolësve, përkujtuam dhe nderuam jetën dhe veprën e luftëtarëve të lirisë, Rexhë Osaj, Bashkim Balaj, Sinan Musaj dhe Ramë Idrizi”, ka shkruar Zemaj, përcjell “Bota sot”.
Edhe anëtari i LDK-së, Kushtrim Gjevukaj, ka postuar foto në Facebook nga homazhet atje, duke shkruar se ata u vranë nga një dorë kriminale shqipfolëse.
“Në përkujtim të tre Ushtarëve të Forcave të Armatosura të UÇK-së, Rexhë Osaj, Bashkim Balaj, Sinan Musaj dhe Ramë Idrizaj, të vrarë pas lufte nga një dorë kriminale shqipfolëse”, ka shkruar ai.
