Shefi i stafit të kryeministrit të Kosovës, Ramush Haradinaj, Avni Arifi ka komentuar vendimin e Qeverisë për ngritjen e pagave.
Ai thotë se vendimi është legal e legjitim.
Pas shumë reagimeve nëse vendimi duhet të zbatohet, Arifi i është përgjigjur edhe shefes së BE-së në Kosovës, Natalya Apostolova, duke i thënë që sa merret me paga me mirë është të merret me marrëveshjet e dialogut me Serbinë.
Arifi kujton që për vendimin për pagat është përgjigjur edhe Kushtetuesja.
“BE do të ishte mirë që në vend të sfidimit të vendimeve të tilla nga fusha e përgjegjësive qeverisëse, të sigurojë implementimin e marrëveshjeve që vet i ka garantiar, siç është marrëveshja për energjinë. Nëse sipas ekspertëve, Kosova në vit i humbë 25 milionë euro si pasojë e moszbatimit të marrëveshjës për energjinë, atëherë që nga viti 2013 Kosova i ka humbë 150 milionë euro. Zyra e BE- së në Kosovë, sot, duke komentuar pagat e zyrtarëve qeveritarë, e pati gabim. Kosova ndihmohet duke implementuar marrëveshjen e garantuar për energjinë dhe jo duke dhënë vlerësime për vendime legjitime politike gati si parti politike qe synon sukses elektoral zgjedhor”, thotë Arifi.