"Ndërhyrja në Kosovë ishte për njerëzit, përfundimisht për njerëzit", thuhet në mesazhin e Ambasadës së Britanisë së Madhe në Kosovë, ditën kur festohet 19 vjetori i ndërhyrjes së NATO’s dhe çlirimi nga forcat serbe.
Në një video të shpërndarë nga Ambasada e Britanisë, ushtarët britanikë rrëfejnë momentet e para të hyrjes përmes kufijve të Kosovës.
“Vozitja nëpër rrugë, kalimi nëpër fshatra e qytete, të shohësh njerëzit duke dalë nga shtëpitë e tyre, pamja e konfuzit, ngazëllimit, mosbesimit, dhe pastaj gëzimi i pastër kur na shihnin neve tek po vinim”, rrëfen eksperiencën e tij njëri nga komandantët britanikë që kishte hyrë ndër të parët në Kosovë.
Më poshtë gjeni videon e plotë: