Kryeministri i Kosovës, Ramush Haradinaj së bashku me kabinetin qeveritar vizituan sot familjarët e Vokrrit.
Haradinaj shprehi edhe një herë ngushëllime familjes. Ai pohoi se Vokrrin e kemi humbur të gjithë, pasi ai ka qenë i tëgjithëve dhe jo vetëm i familjes.
Haradinaj tutje shtoi se është mjaftë i lumtur që ceremonia e varrimit dje është organizuar në mënyrën më të mirë të duhur, ashtu siç Fadil Vokrri e ka merituar.
Ndërkaq, zëvendëskryeministri i parë dhe ministri i Punëve të Jashtme, Behgjet Pacolli ndër tjerash shtoi se vdekja e legjendës së futbollit të Kosovës është një humbje e madhe dhe se Vokrri ka qenë një njeri i mirë dhe do ta kujtojnë me krenari.
Së bashku me Haradinaj dhe Behgjet Pacollin, ishin edhe ministri Shëndetësisë Uran Ismajli, ministrja e Integrimeve Evropiane, Dhurata Hoxha, si dhe disa ministra tjerë.
Kujtojmë që Fadil Vokrri vdiq në mëngjesin e së shtunës pas një sulmi në zemër, ndërkaq, dje është varrosur me nderime të larta shtetërore.
