Kusari-Lila: U skuqem të gjithë nga gafat që krerët e shtetit i bën sot në Prizren

Aktuale

Kusari-Lila: U skuqem të gjithë nga gafat që krerët e shtetit i bën sot në Prizren

Nga: A.M. Më: 10 qershor 2018 Në ora: 12:19
Mimoza Kusari

Edhe kryetarja e Alternativës, Mimoza Kusari-Lila ka reaguar pas ceremonisë së mbajtur në Prizren me rastin e 140 vjetorit të Lidhjes shqiptare.

Ajo ka përmendur veprimet e kryeministrit të Kosovës, Ramush Haradnaj dhe kryetarit të Kuvendnit të Kosovës, Kadri Veselit.

Ajo përmes një postimi në Facebook ka thënë se “për t’a përdhos tërë ditën e zisë, të shpallur nga Presidenti i vendit, ceremonia e Kryeministrit përfshiu edhe muzikë festive nga bendi i FSK-së. Sikur të mos dihet çfarë përfshin një ditë zie, cili është protokolli në ditë zie, kë e nderojmë dhe si organizohet kjo ditë”.

Postimi i plotë:

A ka fund marrja në këtë shtet

Mendova se skandalet që e përcollën organizimin e 10 vjetorit të pavarësisë ishin fundi i poshtëm i turpit institucional.

Por, ky koalicion nuk ka fund të poshtëm, jo deri më tash.
Sot në Prizren, në 140 vjetorin e lidhjes shqiptare, u shpërfaqen në mënyrën më brutale, shpërfilljet e Kreut të Kuvendit dhe Kryeministrit para peshës së organizimit përmes dallimeve që i kanë me njëri tjetrin.

Prej fillimit të organizimit, kur hapet njëra ceremoni nga Kuvendi e cila mbyllet nga Kryetari i Kuvendit dhe kur mysafirët ngriten të shkojnë, reagon Kryeministri dhe na kërkon të ulemi se po fillon ceremonia tjetër e nisur nga Qeveria, duke ia dhënë fjalën Presidentit të Republikës së Shqipërisë.

Ne mysafirët u skuqëm për organizatorët, por vetëm sikur kjo të ishte e tëra.
Pas Presidentit Meta, fjalën e mori një grua jashtë protokollit. Ajo fliste pa mikrofon të ndezur derisa u ngrit Kryeparlamentari dhe ia ndezi mikrofonin, për t’u përcjellë pak minuta pas nga Kryeministri i cili në rolin e truprojës e ngrehu zvarrë gruan nga podiumi. Kryeministri tregoi një aftësi të veçantë këtu, tregoi se ishte më i përgaditur se truprojat e tij.

Për t’a përdhos tërë ditën e zisë, të shpallur nga Presidenti i vendit, ceremonia e Kryeministrit përfshiu edhe muzikë festive nga bendi i FSK-së. Sikur të mos dihet çfarë përfshin një ditë zie, cili është protokolli në ditë zie, kë e nderojmë dhe si organizohet kjo ditë.

Skandalet kishin vazhduar edhe disa minuta më pas, por më nuk kishim durim dhe as ndërgjegje të jemi dëshmitar të përdhosjes së ditës së lidhjes, shtetit të Kosovës dhe të gjithëve që ishin prezent aty.

Partitë në pushtet nuk mund të merren vesh si të organizojnë një festë kombtare e nuk do mend që asnjë dakordim nuk e kanë për të udhëheq me shtet.
#ShtetiIshkelur
#ShtetIKapur

Image
commentFirst article
Sot mund të lexoni Shfletoni kopertinat