OVL e UÇK-së merr afër gjysmë milioni euro nga anëtarësimi, por s’ka raport financiar - Bota Sot
OVL e UÇK-së merr afër gjysmë milioni euro nga anëtarësimi, por s’ka raport financiar

Aktuale

E premte, 22 qershor 2018

OVL e UÇK-së merr afër gjysmë milioni euro nga anëtarësimi, por s’ka raport financiar

Më: 10 qershor 2018 Në ora: 10:12
Veteranët kanë dyshime, lidhur me shpenzimet e parave që ata paguajnë për anëtarësim.

15 euro në vit paguajnë 35 mijë anëtarë veteranë të UÇK-së, në Organizatën e Veteranëve të Luftës (OVL), anëtarë këta që dikur ishin 25 mijë.

Kjo organizatë për anëtarësi merr çdo vit afër 500 mijë euro nga anëtarësimi i veteranëve, por nuk ka raporte financiare se ku shpenzohen këto para. Kurse, Shoqata e Invalidëve të luftës thotë se kanë dyshime, lidhur me shpenzimet e parave që ata paguajnë për anëtarësim. 

Hysni Gucati, i cili që nga tetori i vitit 2016 është kryetar i Organizatës së Veteranëve të Luftës së UÇK-së thotë se nuk kanë ndonjë raport financiar për paratë e shpenzuara, por i ka emrat e të gjithë atyre që i ndihmuan.

Nga paratë që marrin nga anëtarësimi, sipas tij mbijetojnë degët, qendra dhe një pjesë e tyre, përdorën si ndihmë për familjet e veteranëve të cilët kanë nevojë por thotë se nuk kanë ankesa nga veteranët, lidhur me shpenzimin e parave që marrin nga ta.

Por thotë se do të vjen momenti, kur do t’i bëjnë publik, emrat e të gjithë veteranëve të cilëve u dolën në ndihmë. 

Ndërsa Xhevdet Qeriqi, nga Shoqata e Invalidëve të luftës thotë se veteranët kanë dyshime, lidhur me shpenzimet e parave që ata paguajnë për anëtarësim. 

Sipas tij, veteranët ankohen dhe për shumën prej 15 euro që paguajnë është shumë e lartë, duke pasur parasysh gjendjen e tyre financiare.

Qeriqi thotë se për anëtarësim në Organizatën e invalidëve të luftës, paguajnë 12 euro në vit dhe se ata çdo herë bëjnë raport, rreth shpenzimeve të bëra.

Komentet
comments powered by Disqus
Sot mund të lexoni Shfletoni kopertinat
Sondazh
test