Ahmeti: Bashkëpunimi i lidershipit ka përmirësuar pozitën e shqiptarëve të Maqedonisë

Aktuale

Ahmeti: Bashkëpunimi i lidershipit ka përmirësuar pozitën e shqiptarëve të Maqedonisë

Më: 29 maj 2018 Në ora: 11:54
Presidenti Hashim Thaçi dhe lideri i BDI-së, Ali Ahmeti

Presidenti i Kosovës, Hashim Thaçi, ka pritur sot liderin e Bashkimit Demokratik për Integrim të Maqedonisë, Ali Ahmetin.

Presidenti Thaçi dhe kryetari Ahmeti kanë diskutuar për bashkëpunimin ndërmjet Kosovës e Maqedonisë dhe rëndësinë e integrimit euroatlantik të dy vendeve tona.

“Është shumë e rëndësishme që të ecim përpara si rajon, sepse vetëm kështu e forcojmë paqen dhe stabilitetin në tërë Ballkanin Perëndimor”, u shpreh presidenti Thaçi, duke shtuar se Kosova i përkrah përpjekjet për zgjidhjen e kontestit rreth emrit të Maqedonisë.

“Zgjidhja e kontestit të emrit e rrjedhimisht edhe hyrja e Maqedonisë në NATO është në interes të paqes në tërë rajonin tonë”, pohoi presidenti Thaçi.

Ndërsa, lideri i BDI-së, Ali Ahmeti, theksoi se bashkëpunimi i afërt i lidershipit shqiptar ka bërë që të përmirësohet edhe pozicioni i shqiptarëve në Maqedoni.

Presidenti Thaçi dhe kryetari Ahmeti kanë folur edhe për rëndësinë e autoudhës Prishtinë-Shkup, e cila do t’i afrojë edhe më shumë qytetarët tanë me njëri-tjetrin.

commentFirst article
Sot mund të lexoni Shfletoni kopertinat