Marian Gjugja 70 vjeçar nga Prizreni ishte raportuar nga fëmijët e tij si i zhdukur në polici që nga data 12 maj. Mëngjesin e sotëm ai është gjetur pa shenja jete mbrapa një marketi në Prizren, ka konfirmuar vajza e të ndjerit, Jozefina.
“E kemi gjete sot në mengjes rreth orës 8, ish kan mbrapa një marketi dhe policia po merret me rastin”, tha ajo.
Raportohet se në vendin e ngjarjes janë ftuar përfaqësues të Institutit të Mjekësisë Ligjore.
Të shtunën e kaluar pas orës 19:00, Mariani i vetëm kishte dalë nga shtëpia për një shëtitje dhe që nga ajo ditë familjarët nuk kanë ditur asgjë për fatin e tij.
Për shtatë ditë ai u kërkua nga Policia. Mariani vuante edhe nga skleroza (harresa), nuk ishte shumë i shoqëruar dhe nuk mbante telefon me vete.
