Ky është reagimi i Lladrovcit ndaj Zekës lidhur me akuzat për vrasjen e Behadin Hallaqit nga presidenti Thaçi

Aktuale

Ky është reagimi i Lladrovcit ndaj Zekës lidhur me akuzat për vrasjen e Behadin Hallaqit nga presidenti Thaçi

Arben Sylejmani Nga Arben Sylejmani Më 16 maj 2018 Në ora: 10:37
Ramiz Lladrovci dhe Milaim Zeka

Kryetari i komunës së Drenasit, Ramiz Lladrovcit përmes një postimi në Facebook, ka reaguar ndaj deklaratës së deputetit, Milaim Zeka i cili në emision “Debat Plus” ka thënë se Lladrovci është propozuar për kryetar të Drenasit pasi që ai akuzon Thaçin për vrasjen e Beadin Hallaqajt.

Në një koment në profilin e tij në Facebook, Lladrovci ka paralajmëruar Zekën për padi dhe i ka bërë thirrje që le t’i publikon faktet nëse ka lidhur me deklaratat e tij.

Ky është postimi i tij i plotë:

Përgjigje Milaim Zekës: Deri kur gazetarucat dhe ish udbasht do të vazhdojnë punën e dreqit

Nuk po i publikoni ato që pretendoni, sepse nuk ekzistojnë, as çanta, as incizime as letra denoncuese. Nuk ekzistojnë, ato janë pjesë e imagjinatës tuaj të sëmurë, të metodës shpif, shpif se diçka mbetet.

Boll Milaim Zeka. Boll. Boll shpife. Edhe sa rrena do të thuash para mediave gjoja se po i thua për herë të parë. Deri kur kështu o gazetaruc?!!

Dhjetëra lajme të rreme në tri fushatat e kaluara i keni promovuar si të vërteta, prej të cilave nuk doli asgjë. Asgjë nuk doli me gjithë paralajmërimet e juaja të subvencionuara. Sepse, ju vetëm shpifni.

Në tri fushata, janë paralajmëruar çanta të zeza me dokumente kompromituese, ishin paralajmëruar video incizime, ishin paralajmëruar letra sekrete e letra denoncimi, por kurrë asnjë herë, nuk i publikuat.

Pse nuk i publikuat deri tash për ato që pretendoni se ekzistojnë, dhe pretendoni të implikoni emrin tim, familjes time dhe udhëheqësit e shtetit.

Nuk mund të publikoni sepse ato që pretendoni, nuk ekzistojnë, as çanta, as incizime as letra denoncuese. Nuk ekzistojnë, ato janë pjesë e imagjinatës tuaj të sëmurë, të metodës shpif, shpif se diçka mbetet.

Milaim Zeka, të kam thënë edhe më herët, ti je një rrenc, je një shpifës. Ti e ndot ambientin e demokracisë me përrallat tua të sëmura që vetëm udbasht dinë t’i përgatisin e promovojnë.

Habitem nga mediat që të japin hapësirë për ta ndotë ambientin me shpifjet tua.

Deri kur gazetarucat dhe ish-udbasht do të vazhdojnë punën e dreqit.

Unë po e them jo për herë të parë, me emër:

Milaim Zeka, ti je një rrenc dhe për shpifjet tua do të ushtroj padi!

commentFirst article
Sot mund të lexoni Shfletoni kopertinat