KS i OKB-së diskuton për Kosovën

Aktuale

KS i OKB-së diskuton për Kosovën

Më: 13 maj 2018 Në ora: 22:07
Antonio Guterres

Këshilli i Sigurisë i Kombeve të Bashkuara do të shqyrtojë nesër raportin e ri tremujor të sekretarit të përgjithshëm të kësaj organizate Antonio Guterres për punën e UNMIK-ut në Kosovë.

Guterres në raportin e tij mbi punën e UNMIK-ut për periudhën nga 17 janari deri më 15 prill i fton krerët në Beograd dhe Prishtinë që të vazhdojnë të trajtojnë çështjet e kontestuara përmes dialogut dhe demonstrimit të vullnetit politik të kërkuar për normalizimin e plotë të marrëdhënieve. 

“Sjellja e Policisë së Kosovës gjatë operacionit të theksuar, siç është arrestimi i Gjuriq, në të cilin ai ka pësuar lëndime, është një çështje shqetësuese. Hetimi themelor është i nevojshëm për ngjarjet e 26 marsit me veprime korrigjuese në rast mosrespektimi të të drejtave të njeriut”, tha Guterres. 

Ai po ashtu ka shprehur shqetësim rreth përparimit të ngadaltë për hetimet në lidhje me vrasjen e liderit politik serb Oliver Ivanoviq.  

Në raport përshëndetet ratifikimi i marrëveshjes për demarkacionin e kufirit me Malin e Zi në Kuvendin e Kosovës, i cili tregon përkushtimin e Kosovës për perspektivën evropiane, transmetojnë mediat serbe.

commentFirst article
Sot mund të lexoni Shfletoni kopertinat