Albert Krasniqi nga KDI përmes një postimi në Facebook ka thënë se derisa javën e kaluar kishte shtatë raste të dyshimit për korrupsion, këtë javë i shtohen edhe pesë raste të tjera të raportuara në media.
Krasniqi ka renditur këto raste më poshtë:
Postimi i tij:
Javën e kaluar i kishim shtatë raste të dyshimit për korrupsion dhe keqpërdorim të detyrës zyrtare.
Këtë javë shtohen edhe pesë raste tjera që janë raportuar në media:
1. Ministri i Bujqësisë, suspendon drejtorin e AZHB-së i cili nuk i dha 400 mijë euro projektiti me të cilin ka marrëveshja gruaja e ministrit. Drejtori e akuzon ministrin edhe për tendenca të favorizimit dhe keqpërdorimit të subvencioneve në vlera milionëshe.
Menaxhon me 60 milionë euro.
2. Ministri i infrastrukturës, akuzohet se dëmtoi për 70 mijë euro Komunën e Gjakovës gjatë kohës sa ishte kryetar.
Menaxhon me 304 milionë euro.
3. Ministrja e Mjedisit dhe Planifikimit Hapësinor, dyshohet që punësoi familjarë në ministrinë që drejton.
Menaxhon me 53 milionë euro.
4. Kryetar i Komunës së Prishitnës, nën hetime për punësime partiake.
Menaxhon me 72 milionë euro.
5. HIB Petrol, gjatë periudhës shkurt 2012 – janar 2014, ka furnizuar Komunën e Prishtinë me naftë jocilësore për ngrohje që ka përmbajtë deri në 80 herë më shumë prezencë të sulfurit. Prokuroria pretendon që i është shkaktuar dëm në shkallë të madhe të dëmtuarës – Komunës së Prishtinës.
