Presidenti i vendit, Hashim Thaçi thotë se rezistenca e armatosur e Nebih dhe Tahir Mehës në Prekaz, ka hapur një kapitull të ri në Kosovë.
Në një postimin në profilin e tij në Facebook, Thaçi ka shkruar se qëndresa heroike e Nebih dhe Tahir Mehës do të kujtohet gjithmonë.
Ky është postimi i plotë në Facebook:
Rezistenca e armatosur e Nebih dhe Tahir Mehës në Prekaz kundër regjimit serb, pas demonstratave gjithëpopullore që kishin nisur anembanë Kosovës në vitet e 80-ta, hapi një kapitull të ri.
Sot, u bënë 37 vjet nga rënia e tyre, në mbrojtje të familjes dhe kauzës shqiptare. Qëndresa heroike e Nebih dhe Tahir Mehës do të kujtohet gjithmonë.
Vetëdija historike, duke kujtuar dhe nderuar përherë heroizmin e vajzave dhe djemve tanë, ishte udhërrëfyese e pagabueshme për realizimin e synimeve shekullore, lirisë dhe pavarësisë. HTH