Gashi dhe O’Connell bisedojnë për sigurinë në Kosovë

Aktuale

Gashi dhe O’Connell bisedojnë për sigurinë në Kosovë

Më: 8 maj 2018 Në ora: 11:24
Gashi dhe O’Connell

Ministri i Punëve të Brendshme, Bejtush Gashi, ka pritur në takim njoftues ambasadorin e Mbretërisë së Bashkuar, Ruairi O’Connell.

Gashi dhe ambasadori O’Connell, biseduan lidhur me situatën e përgjithshme të sigurisë në Kosovë.

“Me këtë rast, ministri Gashi vuri në dukje se Ministria e Punëve të Brendshme dhe agjencitë e saj, janë duke angazhuar që të zbatohet ligji në tërë territorin e Kosovës,  me qëllim të përmirësimit të situatës së përgjithshme të sigurisë në vend”, thuhet në kumtesën dërguar mediave.

Gjithashtu, në këtë takim u bisedua lidhur me bashkëpunimin në mes të dy shteteve dhe për mundësitë e thellimit të këtij bashkëpunimi, sidomos sa i përket angazhimit të dy policive të dy vendeve.

Ambasadori O’Connell, theksoi se është e rëndësishme intensifikimi i bashkëpunimit mes Britanisë së Madhe dhe institucioneve të Kosovës. 

commentFirst article
Sot mund të lexoni Shfletoni kopertinat