Hajnat ia vodhën veturën Ibrahim Berishës. Policia nuk e trajton me prioritet
Ibrahim Berisha të enjten erdhi nga Drenasi në Prishtinë me veturën e tij private.
Dhe kjo për shkak se një natë më parë hajnat ia vodhën zv.kryeprokurorit të Prishtinës, veturën zyrtare në shtëpinë e tij, në fshatin Gllasanellë të Drenasit.
Në një deklaratë për emisionin Frontal, Berisha tha se është shumë i shqetësuar me ngjajen që I ka ndodhur.
Policia e Kosovës është vënë në kërkim të hajnave. Por, megjithatë ende nuk ka ndonjë të dyshuar.
Zv.kryeprokurori Ibrahim Berisha duket se duhet të presë deri në gjetjen e hajnave, ngase policia këtë rast e trajtonë si të gjithë të tjerët.
Përdorimi i vetures zyrtare është e lejueshme për prokurorët në Kosovë edhe jashtë orarit zyrtar të punës.
