Ministri për Forcën e Sigurisë së Kosovës (MFSK) Rrustem Berisha priti sot në takim zyrtar atasheun belg të mbrojtjes, kolonelin Yves Cuvelier.
Në takim u diskutua lidhur me mundësitë e bashkëpunimit bilateral në siguri.
“Ministri Berisha e njoftoi atasheun Yves Cuvelier me zhvillimet e përgjithshme të FSK-së, sukseset gjatë trajnimeve dhe operacioneve të ndryshme si brenda dhe jashtë vendit, përfshirë integrimin e pjesëtarëve të komuniteteve në FSK. Po ashtu, përmendi edhe bashkëpunimin ndërkombëtar me NATO-n, KFOR-in, NALT-in, Gardën Kombëtare të Ajovës dhe falënderoi shtetin e Belgjikës për përkrahjen e vazhdueshme në rrugëtimin e shtetit tonë”, thuhet në kumtesën dërguar mediave nga kjo ministri.
Cuvelier premtoi thellim të bashkëpunimit edhe në të ardhmen.
