Ministri i punëve të brendshme, Bejtush Gashi priti në takim njoftues ambasadorin e Shteteve të Bashkuara të Amerikës, Greg Delawie.
Në këtë takim, Gashi e njoftoi ambasadorin amerikan për situatën e përgjithshme të sigurisë në Kosovë.
Sipas kumtesës dërguar mediave, ata diskutuan për marrëdhëniet dhe bashkëpunimin mes SHBA-ve dhe Kosovës për çështjen e sigurisë në vend dhe për gjendjen civile të Kosovës.
Delawie e uroi ministrin Gashi për detyrën e ministrit të Punëve të Brendshme dhe vlerësoi se është shumë e nevojshme për një përkushtim më të madh në ruajtjen dhe ngritjen e nivelit të sigurisë në Kosovë.
Gashi u emërua në krye të ministrisë së punëve të brendshme, pasi Flamur Sefaj që mbante këtë post u shkarkua pas ngjarjes së arrestimit dhe deportimit të gjashtë shtetasve turq nga Kosova.
