Kryeministri i Kosovës, Ramush Haradinaj ka zhvilluar një takim me Fiona Mcilwham, Drejtuese e Departamentit për Ballkanin Perëndimor në Ministrinë e Punëve të Jashtme Britanike (FCO).
Përmes një publikimi të bërë në rrjetin social Facebook, Haradinaj ka thënë se në takim u trajtuan proceset që po kalon vendi sa i përket rrugëtimit të saj euro-atlantik dhe për ndërtimin e marrëdhënieve të mira fqinjësore.
“Kosova është e fokusuar në përmbushjen e obligimeve për anëtarësimin e plotë në mekanizmat ndërkombëtar dhe Britania e Madhe do të mbetet një mbështetëse e fuqishme në këtë proces”, ka shkruar kryeministri.