ATK sjell një lajm të rëndësishëm për kuponët fiskalë

Aktuale

ATK sjell një lajm të rëndësishëm për kuponët fiskalë

Më: 18 prill 2018 Në ora: 12:13
Foto ilustrim

Administrata Tatimore e Kosovës njofton gjithë qytetarët se kanë mbetur edhe pak ditë deri në përmbylljen e afatit të aplikimit për rimbursim nga kuponët fiskalë.

Aplikimi për rimbursim të mjeteve nga grumbullimi i Kuponëve Fiskal për TM1/2018, ka filluar nga data 1 prill 2018 dhe vazhdon deri më 30 prill 2018.

Aplikimi bëhet duke  plotësuar aplikacionin për rimbursim të mjeteve nga grumbullimi i Kuponëve Fiskal. Aplikacioni duhet të plotësohet në mënyrë elektronike përmes ueb-faqes së Administratës Tatimore të Kosovës www.atk-ks.org në linkun Shërbime Elektronike – Aplikacioni për Kuponë Fiskal.

Aplikimi bëhet vetëm një herë për të njëjtën periudhë duke u bazuar në Numrin Personal të aplikuesit. Fituesit potencial  do të rimbursohen me 10% të vlerës së deklaruar, por jo më shumë se 100 euro. 

Numri minimal i kuponëve fiskal të dorëzuar duhet të jetë 60 kuponë, me shumën minimale 250 euro, thuhet në njoftimin e ATK-së.

commentFirst article
Sot mund të lexoni Shfletoni kopertinat