(E plotësuar) -Qeveria e Kosovës ka miratuar propozimin për shpalljen me interes të veçantë publik të pronave të paluajtshme të cilat preken nga realizimi i projektit "Ndërtimi i Kompleksit (rezidencave) qeveritare" Prishtinë.
Këto prona janë në Zonën Kadastrale: Zllatar, Matiqan, Hajvali, Çagllavicë, komuna e Prishtinës dhe Zona Kadastrale: Graçanicë dhe Badovc, komuna e Graçanicës.
Miratohet Kodi i ri Penal
Qeveria e Kosovës ka miratuar Projekt Kodin e ri të Kosovës. Ministri i Drejtësisë Abelard Tahiri tha në prezantimin e projekt Kodit Penal se ky projekt kod është në harmoni me standardet e BE-së.
Tahiri tha se me këtë projekt kod iu është ndaluar deri në 10 vjet ushtrimi i funksionit publik në rast të aktgjykimit përfundimtar.
Ky projekt kod sipas Tahirit tha se janë rritur dënimet për veprat penale për ata që bëjnë trafikim me qenie njerëzore.
Po ashtu Tahiri tha se projekt kodi i ri ngrit Kosovën në luftën kundër krimit dhe korrupsionit. Ndërsa kryeministri Ramush Haradinaj tha se është një ditë e suksesshme dhe konfirmon luftën kundër krimit dhe korrupsionit.
Ai tha se po iu dërgojnë mesazh partnerëve që Kosova është e vendosur për rend e ligj.
Mblidhet Qeveria e Kosovës
Kryeministri Ramush Haradinaj merr pjesë në mbledhjen e sotme të qeverisë.
Ekzekutivi pritet të mblidhet prej orës 09:00.