Organizata “Demokracia Studentore” po vazhdon me aksionet studentore kundër rektorit të UP-së Marian Dema, ndërsa si pasojë tani po kërkon edhe shkarkimin e tij nga Këshilli Drejtues i Universitetit të Prishtinës “Hasan Prishtina”.
Kjo organizatë nesër do të ketë edhe aksione simbolike para Rektoratit nga ora 11:00 duke protestuar kundër Rektorit Dema dhe duke kërkuar shkarkimin e tij.
“Ne do të vazhdojmë me protestat studentore, të cilat janë të bazuara në keqpërdorimet e rektorit, i cili në vazhdimësi ka sjellë vetëm negativitet në UP, i cili ka qenë pjesë e tërë proceseve dhe nuk ka ndryshuar asgjë pozitivisht, duke keqpërdorur pozitën zyrtare në vazhdimësi”, tha kryetari i DS, Mexhid Ramusa.
“Ne do të kërkojmë që rektori Marjan Dema të shkarkohet nga Këshilli Drejtues i Universitetit, ndërsa protesta do të përcillet edhe me disa aksione simbolike të studentëve. Ne nuk do të ndalemi derisa, ky rektor të shkarkohet” shtoi ai.
