Ish-kryeministri i Suedisë, njëherësh pjesë e Këshillit të Evropës për Marrëdhënie me Jashtë (ECFR), Karl Bildt, ka thënë se është e nevojshme të tejkalohen urgjentisht krizat aktuale dhe të forcohet dialogu në mes Kosovës dhe Serbisë.
“Urgjentisht të kalohet kriza e tanishme dhe të forcohet dialogu Kosovë-Serbi. Bashkimit Evropian dhe të tjerët duhet të shtojnë përpjekjet e tyre për të lëvizur rajonin përpara. Nuk duhet pasur rrezik për të rrëshqitur përsëri në zakonet e vjetra”, ka shkruar ai.
Duhet shtuar se pas zhvillimeve të fundit që ishin të hënën në veri të Kosovës, pothuajse gjithë përfaqësuesit e huaj porositën dy vendet që të ulen dhe të dialogojnë për secilin zhvillim në Kosovë dhe Serbi.
