Shpenzimi i buxhetit të shtetit për gjëra luksoze nga institucionet e vendit po vazhdon të ndodhë.
Këtë herë, është Ministria e Bujqësisë, Pylltarisë dhe Zhvillimit Rural e cila ka paraqitur nevojën për blerjen e tre telefona mobil.
Por, si duket këta telefona mobil janë dora e fundit e teknologjisë, pasi për tre telefona kjo ministri ka kërkuar dy mijë e pesëqind euro (2.500,00).
Në një tender të ministrisë, tek lënda e kontratës thuhet se kanë nevojë për furnim me telefona mobil për nevoja të kabinetit.
“Furnizim me 3 telefona mobil për nevoja të kabineti të Ministrit. Vlera e parashikuar e kontratës: 2.500,00”, thuhet në tender.
Në njoftimin e Ministrisë për kontratën për furnizim me telefon mobil nuk përshkruhet lloji i telefonit të blerë as ndonjë specifikë e tij.
Ky tender është shpallur me datën 20 të këtij muaji.
