Ja kush e kush u përfshi në përplasjen PDK-VV

Aktuale

Ja kush e kush u përfshi në përplasjen PDK-VV

Më: 16 mars 2018 Në ora: 19:20
Pamje nga Kuvendi

E tëra nisi kur ministrja Dhurata Hoxha gjatë fjalimit të saj tha se Vetëvendosje është e ndikuar nga Rusia.

Ministrja e Integrimeve e cila në kohën kur ka vdekur Astrit Dehari ka qenë ministre e Drejtësisë është penguar të flas nga deputetët e VV-së të cilët madje e kanë quajtur kriminele.

Kjo detyroi kryesuesin Xhavit Haliti që të japë 5 minuta pushim.

Nga ky çast filloi edhe përplasja në mes të deputetëve të VV-së dhe atyre të PDK-së që janë shumë afër me ulëse.

Liburn Aliu dhe Sali Zyba ishin të gatshëm të përleshen me deputetët e partisë.

E të gatshëm për t’u përleshur ishin edhe deputetët e PDK-së, sidomos Nezir Çoçaj. Për të mos kaluar në përleshje fizike kanë ndërhyrë deputetët tjerë, madje edhe të LDK-së, kryetari i Kuvendit Kadri Veseli por edhe kryeministri Ramush Haradinaj. Të gatshëm për të intervenuar u panë edhe sigurimi i Kuvendit të cilët vetëm prisnin urdhrat.

commentFirst article
Sot mund të lexoni Shfletoni kopertinat