Kryetari i komunës së Drenasit, Ramiz Lladrovci, e ka uruar liderin e shqiptarëve në Maqedoni, Ali Ahmetin, për miratimin e ligjit për gjuhën shqipe në Maqedoni, përcjell Bota sot.
Përmes një postimi në llogarinë e tij në Facebook, ai ka thënë se sot është ditë e madhe për të gjithë kombin shqiptar.
Postimi i tij i plotë:
Sapo e urova liderin e shqiptarëve në Maqedoni, Ali Ahmetin, nëpërmjet tij të gjithë shqiptarët në Maqedoni, për suksesin e shumëpritur, aprovimin e ligjit për përdorimin e gjuhës shqipe, një të drejte themelore, të paraparë me Marrëveshjen e Ohrit.
Sot është një ditë e madhe për kombin shqiptar kudo që jetojnë, për kultivimin e gjuhës amtare në komunikimin zyrtar edhe në Maqedoni, përdorimi i gjuhës shqipe!
Gëzuar dhe urime!
