“Më mirë le të rrëzohet qeveria sesa ta pranojmë kushtin e LDK-së”

Aktuale

“Më mirë le të rrëzohet qeveria sesa ta pranojmë kushtin e LDK-së”

Më: 22 shkurt 2018 Në ora: 22:09
Ramush Haradinaj he deputetë të LDK-së

Ministri i Infrastrukturës, i cili vjen nga radhët e AAK-së, Pal Lekaj, ka thënë se partia në të cilën gjendet nuk është e gatshme që ta pranojë kushtin e LDK-së, për demarkacionin.

Ai në një përgjigje për Insajderi, tha se AAK-ja është në gjendje që të pranojë të rrëzohet qeveria, vetëm e vetëm që demarkacioni me kushtin e LDK-së, të mos kalojë.

“Ne në asnjë formë nuk e pranojmë kushtin e vënë nga Lidhja Demokratike e Kosovës, për demarkacionin. AAK, kompromisin më të madh e ka bërë në momentin që ka pranuar që kësaj ështje t’ia vënë aneks marrëveshjen në mes presidentit kosovar dhe malazez. Ne nuk pranojmë asnjë marrëveshje jashtë këtij aneks marrëveshje dhe raportin e komisionit të Shpejtim Bulliqit. Le të bjerë qeveria, le të bëhet çfarëdo, por jashtë këtyre gjërave nuk do të shkojmë. Sepse AAK nuk do i tradhtojë votuesit e saj, në asnjë formë”, ka thënë Lekaj.

Kushti misterioz i LDK-së që ta votojë Demarkacionin

Lidhja Demokratike e Kosovës, ka vënë kusht që e pranojnë ratifikimin e demarkacionit, nëse ai sillet në Kuvend, pa aneks marrëveshjen në mes presidentit të Kosovës dhe atij të Malit të Zi, dhe pa raportin e komisionit të kryesuar nga Shpejtim Bulliqi.

commentFirst article
Sot mund të lexoni Shfletoni kopertinat